Knuspreg Brie Zalot mat Hammbier

D’Spargelen an eng Schossel ginn a mat e bëssi Olivenueleg vermëschen. Eng Grillpan erhëtzen an d’Spargele 5 Minutte laang grillen (oder méi laang, et hänkt dovun of wei deck d’Spargele sinn), bis dass se duerch sinn. Mat Salz a Peffer wierzen an op d’Säit stellen.

D’Pinionen an enger dréchener Pan réischteren an op d’Säit stellen.

All d’Ingrediente fir d’Vinaigrette an en klenge Mixer ginn an zu enger Vinaigrette mixen. Op d’Säit stellen.

De Brie an 8 Stecker schneiden. En Ee an en déiwen Teller ginn a mat enger Forschett opklappen. D’Broutgrimmelen an en zweeten Teller ginn a mat Salz a Peffer wierzen.

All Brie Stéck am Ee wenden, dann an de Broutgrimmele wende bis se gutt panéiert sinn.

De Buedem vun enger Pan mat Ueleg bedecken an erhëtzen. De Brie ongeféier 1 Minutt op all Säit frittéieren, bis en schéi brong ass. Op engem Teller mat Kichepabeier ofdrëpsen.

D’Zaloteblieder mat dem Basilikum an der Vinaigrette an eng Schossel ginn a gutt vermëschen. D’Zalot op 2 Tellere verdeelen, mat gegrillte Spargelen a frittéiertem Brie beleeën an dann d’Pinionen an d’Hammbier driwwer streeën. Direkt zerwéieren.