Rezept erstellt von Anne's Kitchen
Hauptgericht
Wäinzoossiss Köttbullar
Ee skandinavesche Klassiker mat Lëtzebuerger Twist!
Fir d’ageluechte Kornischongen
1/2
Kornischong
80ml
Wäisswäinesseg
20ml
Waasser
1 TL
Salz
3 TL
Zocker
5
schwaarz Pefferkären
1 EL
Dill, gehackt
Zubereitung
1
Mat den ageluechte Kornischongen ufänken: d’Kornischongen a reng Scheiwe schneiden an an en Glas ginn. Den Esseg, Waasser, Salz, Zocker, Pefferkären an Dill derbäiginn. D’Glas zouschrauwen a gutt rëselen. Eventuell mat e bëssi Waasser opfëllen, fir dass d’Kornischonge komplett bedeckt sinn. An de Frigo stellen.
Fir d'Bouletten
400g
Wäinzoossissen
1
kleng Ënn
1 EL
Moschter
1 Pouz
Muskot
2 EL
Dill, gehackt
1
Ee
50g
Panéiermiel
1/2 TL
Salz
1/2 TL
wäisse Peffer
1 EL
Ueleg
3 EL
Miel
500ml
Rëndsbouillon
Airellen oder Cranberry Zooss
Zubereitung
1
D’Boulettë preparéieren: d’Wäinzoossisse längelzeg opschneiden an aus der Haut huelen. D’Fleesch an eng Schossel ginn. D’Enn schielen a rappen a bei d’Fleesch an d’Schossel ginn. De Moschter, Muskot, Dill, Ee, 50ml Ram, Panéiermiel a Salz a Peffer derbäiginn. Gutt vermëschen an op d’Säit stellen.
2
20 kleng Boulettë mam Fleesch formen an op en Teller ginn.
3
15g Botter an 1 Iessläffel Ueleg an enger grousser Pan erhëtzen. D’Bouletten 10 Minutte laang ubroden, an se reegelméisseg wenden, bis se op alle Säiten ugebrode sinn an duerch sinn. Aus der Pan huelen.
4
40g Botter fir d’Zooss an der Pan schmëlzen an d’Miel derbäiginn. 1 Minutt laang kache fir e Roux ze maachen, dann no an no de Bouillon an 100ml Ram derbäischëdden. 5 Minutten akachen a mat Salz a Peffer wierzen.
Zubereitung
1
D’Grompere schielen an a Wierfel schneiden. An en grousst Dëppe mat salzegem Waasser ginn an opkachen, da 15 Minutte kache bis se mëll sinn.
2
D’Gromperen ofschëdden a mat dem Botter an der Ram zu engem Püree stampfen. Mat Salz a Peffer ofschmaachen. Zoudecke fir waarm ze halen an op d’Säit stellen.
3
De Püree op 4 Tellere verdeelen. Jeeweils 5 Bouletten dropginn an eng gutt Portioun Zooss dropschëdden. Mat ageluechte Kornischongen an Airellen zerwéieren.
