DIY fir de Bretzelsonndeg

Fir 2 Bretzelen • Virbereedung : 45 Minutte • Rouen : 1 Stonn + 2 Stonne fir d’Glasur • Schäffchen : 25 Minutten

Fir den Deeg :

25 g frësch Hief
500 g Broutmiel (T65)
40 g Zocker
¾ Téiläffel Salz
1 Ee

Zubereitung

1

De Botter schmëlzen a liicht ofkille loossen.

2

D’Hief an d’Mëllech opbriechen a réiere fir dass se sech opléist.

3

An enger grousser Schossel d’Miel, den Zocker an d’Salz vermëschen. De geschmolte Botter, d’Mëllech an d’Ee derbäiginn an dobäi mat engem elektresche Mixer knieden. Den Deeg 5 Minutte laang mat der Maschinn knieden (oder 10 Minutte wann een en mat den Hänn kniet). Den Deeg soll mëll a liicht pecheg sinn.

4

D’Schossel mam Deeg mat engem Kichenduch bedecken an 30 Minutten opgoe loossen.

Fir d’Fëllung :

160 g gemuele Mandelen
60 g Cassonnade
½ Téiläffel Kanéil
1 Pouz Salz
1 Ee
4 Iessläffel Aprikosegebeess

Zubereitung

1

Wärend där Zäit d’Fëllung preparéieren : d’Mandelen, d’Cassonnade, Kanéil an eng Pouz Salz an eng Schossel ginn. D’Ee trennen an d’Eewäiss derbäi ginn – d’Eegiel fir méi spéit op d’Säit stellen. D’Aprikosegebeess dobäiginn an dat Ganzt gutt vermëschen – eventuell e bësse Waasser derbäiginn wann d’Mëschung ze dréche schéngt.

2

Den Deeg op eng Aarbechtsplack mat e bësse Miel ginn an zu engem laange Rechteck vun ongeféier 70 x 30 cm ausrullen. De Rechteck a 4 laang Sträife schneiden. D’Fëllung iwwert zwou Sträife sträichen, dann di Sträife mat deenen aneren zwou Sträife bedecken.

3

All Sträif iwwert sech selwer verdréien an dann an d’Form vun enger Bretzel formen. Op en Bakblech mat Bakpabeier leen a mat engem Kichenduch bedecken. 30 Minutten opgoe loossen.

4

Wärend där Zäit d’Eegiel mat engem Läffel Mëllech vermëschen.

5

De Schäffchen op 180°C Umluft erhëtzen.

6

Éier d’Bretzelen an de Schäffche ginn, se mat dem Eegiel besträichen. Dann 25 Minutten am Schäffche baken.

7

Soubal d’Bretzelen aus dem Schäffche kommen, se mat Aprikosegebeess besträichen an op eng Hiertche lee fir ofzekillen.

Fir d’Glasur :

1 E bëssen Aprikosegebeess
70 g Pudderzocker
20 g Mandelbliedecher

Zubereitung

1

Wann d’Bretzele bis kal sinn de Pudderzocker mat der Mëllech zu enger décker Glasur vermëschen. D’Mandelbliedecher an enger Pan goldeg réischteren.

2

All Bretzel mat Glasur beträufelen a mat Mandelbliedecher bestreeën.

3

D’Bretzelen 2 Stonne raschte loossen, fir dass d’Glasur fest gëtt.

Dëst Rezept gouf vum Anne’s Kitchen kreéiert.

Search